Si me preguntan per tú

tendré que dir palabras

pero no son palabras

lo que tú te mereces.

No merece el tuyo cuerpo

ser tacau con tinta,

ni merece la tuya boca,

ser ferida con esmoladas llenguas.

A un cuerpo

sólo se le puede habllar

con atro cuerpo

y a una boca

con atra que besa,

pos no n’ i hai verdá

más segura

que la de la carne.

Yo m’ estimo

caer derrotada

sobre  el tuyo pecho,

enredarme en las ondas

del tuyo pelo.

Si me preguntan per tú

diré que eba tarde y escuro,

que no te va veyer tan apenas,

La fllor de la vida

Ebas como una rosa

d´ixas que empezan a abrir

los suyos pétalos royos.

Pero…

te vas abrir desmasiau

y va ceder el terciopelo,

te vas romper

de tan fresca

y perfumada.

Sangre de rosa

escarchada.

No va poder el tallo

con tanto aroma.

Siempre

te recordarén choven,

no te vas llegar a mustiar,

ni a secar

como fan todas .

Te’ n vas ir

con tót el tuyo  perfume

en la fllor de la vida.

No quiero pensar

que será de tót

el día que no amanezca,

la noche que no feiga escuro,

la tarde que no n´i haiga aspera,

l´año que no n´i haiga otoño,

ni ivierno, ni primavera.

Yo preciso

de la noche las estrellas,

de la lluna la bllancura,

de las rocas la firmeza,

de las fllors

la color y la frescura,

y del cielo la grandeza.

A yo la naturaleza

me fa sentir importante,

me fa creyer

que tornaré el proximo año

como el verano,

encara qu´el ivierno

m´haiga chelau

un trocet d´alma.

El río

¿Qué conta el río?

En la suya voz liquida

bucean sonidos milenarios

indescifrables, divinos.

No miente.

En el suyo discurso,

esquicha un mensaje

a cada oyente.

La suya esencia

é l´aigua distinta,

filla d´el rayo

la suya apariencia.

El río é l´acción

el movimiento reflejo,

d´el devenir l´espejo,

siempre cambiante,

humano.

Me´n voi cuan el sol se´n va,

ya me retiro,

yo ya no vivo

cuan é de noche.

Cuan é de noche

me falta el cielo;

me falta el verde,

yo resucito

cuan amanece.

Sonio con la lluz,

duermo sin  ella,

no n´i hai vida ciega.

Me´n voi perque el sol se´n va,

ya me retiro,

yo ya no vivo

cuan é de noche,

yo resucito

cuan una miqueta

de lluz

m´invita.

A plleno sol

Intenso lluce,

brillante,

lo impregna tót

de bllanco.

Sin dolor reduce

lo real,

más expresamente

lo ofrece;

perfila las cosas

sin miedo,

dibuja el paisaje,

anula

atros tonos,

atras disposicions

de l´animo.

Magnánimo

construye la tarde,

diluye las horas,

s´impone sin peso,

sin cuerpo.

El día

é sólo lluz,

algo intocable,

que vence a la noche

y mos salva.